3 январ Президенти Ҷумҳурии Тоҷикистон Эмомалӣ Раҳмон бо иҷрокунандаи вазифаи Президент, Раиси Ҳукумати Федератсияи Россия Владимир Путин сӯҳбати телефонӣ дошт.

Дар рафти сӯҳбати телефонӣ ба баъзе самтҳои муносибатҳои ҳамкории дуҷониба дахл карда шуд.

Ҳамватанони азиз!

Баъди фурсате соли ҳазору нӯҳсаду наваду нӯҳ бо мову шумо хайрбод гуфта, ба арсаи таърих Соли нави дуҳазорум — соли охирин ва ҷамъбасткунандаи асри XX қадам мегузорад.

Дар ин лаҳзаҳои сурурбахш инсоният ба ҳудуди ду давраи фаромӯшнашавадаи таърихӣ—интиҳои ҳазорсолаи дуюми милодӣ ва оғози ҳазорсолаи сеюм ворид мегардад.

24 ноябр иҷрокунандаи вазифаи Президенти Ҷумҳурии Тоҷикистон, Раиси Шӯрои Олии Ҷумҳурии Тоҷикистон Эмомалӣ Раҳмон Қонунҳои Ҷумҳурии Тоҷикистонро "Дар бораи гурезагон", "Дар бораи тасдиқи Низомномаи Парчами давлатии Ҷумҳурии Тоҷикистон", "Дар хусуси тасдиқи Низомномаи Нишони давлатии Ҷумҳурии Тоҷикистон" имзо намуд.

23 ноябр иҷрокунандаи вазифаи Президенти Ҷумҳурии Тоҷикистон, Раиси Шӯрои Олии Ҷумҳурии Тоҷикистон Эмомалӣ Раҳмон Қонуни Ҷумҳурии Тоҷикистон "Дар бораи даровардани тағйирот ба Кодекси никоҳ ва оилаи Ҷумҳурии Тоҷикистон"-ро имзо кард.

21 ноябр ба Раиси Шӯрои Олии Ҷумҳурии Тоҷикистон Эмомалӣ Раҳмон аз номи Президенти Ҷумҳурии Қазоқистон Нурсултон Назарбоев, Президенти Ҷумҳурии Қирғизистон Аскар Акаев, Раиси Шӯрои Олии Федератсияи Россия, Раиси Шӯрои Ассамблеяи байнипарлумонии давлатҳои узви ИДМ Руслан Хасбулатов, ноиби Президенти Ҷумҳурии Қирғизистон Феликс Қулов, Раиси Шӯрои Олии Ҷумҳурии Ӯзбекистон Шавкат Юлдошев ба муносибати ба мақоми Раиси Шӯрои Олии Ҷумҳурии Тоҷикистон таъин шуданаш барқияҳои табрикӣ ворид гаштанд.

Аз он ҷумла дар номаҳои табрикӣ омадааст:

21 ноябр Раиси Шӯрои Олии Ҷумҳурии Тоҷикистон Эмомалӣ Раҳмон Қарори Шӯрои Олии Ҷумҳурии Тоҷикистонро "Дар бораи интихоби раисони кумитаҳо ва комиссияҳои доимии Шӯрои Олии Ҷумҳурии Тоҷикистон" имзо гузошт.

20 ноябр Раиси Шӯрои Олии Ҷумҳурии Тоҷикистон Эмомалӣ Раҳмон ба якчанд қарорҳои Шӯрои Олии Ҷумҳурии Тоҷикистон имзо гузошт.

Мувофиқи қарорҳои мазкур Абдумалик Абдуллоҷонов Сарвазири Ҷумҳурии Тоҷикистон, Қозидавлат Қоимдодов ва Хуҷааҳмад Хидиралиев муовинони Раиси Шӯрои Олии Ҷумҳурии Тоҷикистон таъин гардиданд.

20 ноябр Раиси Шӯрои Олии Ҷумҳурии Тоҷикистон Қарори Шӯрои Олии Ҷумҳурии Тоҷикистонро "Дар бораи аризаи Президенти Ҷумҳурии Тоҷикистон Раҳмон Набиев" имзо гузошт.

Мувофиқи қарори мазкур Шӯрои Олии Ҷумҳурии Тоҷикистон аризаи шифоҳии Президенти Ҷумҳурии Тоҷикистон Р.Набиевро дар бораи он ки вай ба мақсади бас шудани хунрезӣ, ҷанги бародаркушӣ, мӯътадил шудани вазъи ҷамъиятию сиёсии Ҷумҳурии Тоҷикистон ба истеъфо меравад, баррасӣ намуда, истеъфои Раҳмон Набиевро аз вазифаи Президенти Ҷумҳурии Тоҷикистон қабул намуд.

20 ноябр Раиси Шӯрои Олии Ҷумҳурии Тоҷикистон Эмомалӣ Раҳмон бо кормандони дафтари Раёсати Шӯрои Олии Ҷумҳурии Тоҷикистон, ки вобаста ба Иҷлосияи 16-уми Шӯрои Олӣ ба Хуҷанд омаданд, машварат орост.

Дар машварат сухан дар бораи корҳои ташкилию техникии иҷлосия ва масъулияти кормандони дафтари Раёсати Шӯрои Олӣ рафт.

Эмомалӣ Раҳмон мулоҳизаҳояшро дар бораи интихоботи раисони нави Кумитаҳои Шӯрои Олӣ ва аъзои Раёсати он баён карда, аз нақши воситаҳои ахбори умум ва махсусан телевизион ва радио дар масъалаи беҳбудии вазъи ҷумҳурӣ изҳори ақида кард.

19 ноябр Раиси Шӯрои Олии Ҷумҳурии Тоҷикистон Эмомалӣ Раҳмон ба Сарони давлатҳои Федератсияи Россия - Борис Николаевич Елсин, Қазоқистон - Назарбоев Нурсултон Абишевич, Қирғизистон - Акаев Аскар Акаевич ва Ӯзбекистон - Каримов Ислом Абдуғаниевич муроҷиатнома ирсол кард, ки дар он гуфта мешавад: