19 январ Президенти Ҷумҳурии Тоҷикистон Эмомалӣ Раҳмон ба як силсила фармонҳо имзо кард, ки тибқи онҳо Тӯраҷонзода Ҳ.А. муовини аввали Сарвазири Ҷумҳурии Тоҷикистон, Вазиров З. муовини Сарвазири Ҷумҳурии Тоҷикистон, Раҷабов С. вазири маориф, Алимардонов Муродалӣ Муҳаммадиевич раиси Бонки миллии Ҷумҳурии Тоҷикистон таъин шуданд.

17 январ Президенти Ҷумҳурии Тоҷикистон Сарфармондеҳи Олии Қувваҳои Мусаллаҳи Ҷумҳурии Тоҷикистон Эмомалӣ Раҳмон дар Маҷлис бахшида ба 5 - солагии таъсиси Гвардияи Президентӣ суханронӣ намуд.

15 январ Ба Президенти Ҷумҳурии Тоҷикистон Эмомалӣ Раҳмон дар бораи узви фахрӣ ва профессори ифтихории фалсафаи Академияи умумиҷаҳонии тиббӣ интихоб гардиданаш диплом супорида шуд.

Президенти Ҷумҳурии Тоҷикистон Эмомалӣ Раҳмон бо қарори Академияи умумиҷаҳонии тиббӣ ба узвияти фахрӣ ва профессори ифтихории ин даргоҳи маърифат пазируфта шуда, барои хизматҳои бузургаш дар роҳи таҳкими сулҳу амонӣ ва ҳиссаи калонаш дар инкишофи илм бо ситораи тиллои Алберт Швейсер сарфароз гардид.

15 январ Президенти Ҷумҳурии Тоҷикистон Эмомалӣ Раҳмон ба мардуми мамлакат ба муносибати ба рӯйхатгирии умумии аҳолӣ муроҷиат кард.

Дар муроҷиат қайд гардидааст, ки барӯйхатгирии умумии аҳолӣ дар кишвар баъди эъломи истиқлолияти сиёсиву давлатӣ бори аввал сурат мегирад ва он моҳияти бузурги давлатӣ ва миллӣ дорад.

15 январ дар асоси фармонҳои Президенти Ҷумҳурии Тоҷикистон Эмомалӣ Раҳмон Нозиров А.А. Вазири мелиоратсия ва хоҷагии оби Ҷумҳурии Тоҷикистон таъин шуда, бо сабаби ба кори дигар гузаштанаш Махсудов Д. аз вазифаи Вазири мелиоратсия ва хоҷагии оби Ҷумҳурии Тоҷикистон озод гардид.

12 январ Президенти Ҷумҳурии Тоҷикистон намояндаи хоси Котиби генералии СММ дар Тоҷикистон Иво Петровро ба ҳузур пазируфт.

Зимни вохӯрӣ дар атрофи масъалаҳои вобаста ба давраи баанҷомрасии раванди сулҳ дар ҷумҳурӣ табодули назар карда шуд.

10 январ Президенти Ҷумҳурии Тоҷикистон Эмомалӣ Раҳмон бо Фармони худ Қоимдодов Қозидавлатро муовини Сарвазири Ҷумҳурии Тоҷикистон таъин намуд.

Ҳамватанони азиз!

Мову шумо дар арафаи иди саиди Фитр, ки рӯзи ҳаштуми январ фаро мерасад ва бораи тамоми мардуми мусулмони олам мӯътабару муборак аст, қарор дорем. Ба ин муносибат ҳамаи шуморо самимона табрик гуфта, ба ҳамаатон умри дароз, саломатӣ, саодатмандӣ ва рӯзгори ободу осуда орзу мекунам.

Дар ин рӯзи муборак ҳар кадоми мо бояд аз он шукрона кунем, ки иду ҷашнҳои милливу суннатиамонро чанд сол боз дар фазои сулҳу осоиш, якдигарфаҳмӣ ва дӯстию эҳтироми ҳамдигар истиқбол мегирем.

7 январ Президенти Ҷумҳурии Тоҷикистон Эмомалӣ Раҳмон бо фармони худ Бобоев Ғ.Ҷ.-ро Мушовири давлатии Президенти Ҷумҳурии Тоҷикистон оид ба сиёсати иқтисодӣ-сардори идораи иқтисодии Дастгоҳи иҷроияи Президенти Ҷумҳурии Тоҷикистон таъин намуд.

3 январ Президенти Ҷумҳурии Тоҷикистон Эмомалӣ Раҳмон бо иҷрокунандаи вазифаи Президент, Раиси Ҳукумати Федератсияи Россия Владимир Путин сӯҳбати телефонӣ дошт.

Дар рафти сӯҳбати телефонӣ ба баъзе самтҳои муносибатҳои ҳамкории дуҷониба дахл карда шуд.